Shir ay isugu yimaadeen Ururka dhaliyarada Reer Xeraale ee ku dhaqan Magaalo Madaxda Keenya ee Nayroobi ayaa waxeey ku taageereen Go,aankii Odayaasha dhaqanka ay banaanka uga istaageen shirka kasocda Magaalada Cadaado.

kadib markii ay DFS biloowday in ay carqaladeeyso shirka ayagoo la,imaanaya Hogaamiyo dhaqameedyo Gacan kurimis ah isla markaana Banaanka dhigay Hogaamiyo dhaqameedyadii saxa ahaa kadibna shirku isu badalay mid lagu dhaawacaayo aayaha Dadka degan Gobolada dhexe.

Shirkaas oo uu hadal kajeediyay Gudoomiyaha Ururka dhaliyarada Qaarada Afrika ee qoowmiyada Dirka waxa uu sheegay in aan marna loo baahneeyn ka qaybgal shir.

marinkiisa la lumiyay wuxuuna qiray in aaneey marna taageeri doonin wixii shirkaas kasoo baxa asagoo sheegay in maamulkii lagu dhisaa aanuu Xalaal Noqon doonin.

Dhaliyaro badan oo ka hadashay shirka ayaa si weeyn u dhaliilay Qaabka wax loo wado ayagoo farta ku fiiqay in doorka ay DFS kulahayd shirkan mid kabadan in ay ka ciyaartay ayagoo fiirinaayo oo kaliya maslaxad Shaqsiyadeed ee aan marna u adeegin Qaranka.

Dawlada Federaalka ayaa waxeey banaanka soo dhigtay inta Badan Oday dhaqameedadii ay Beelaha Gobolada Dhexe lahaayeen waxeeyna abuuratay Oday dhaqameedyo Gacan kurimis ah oo ay damacsan tahay in lagu taageero Danaha Ururka Dhiiga Cusub oo uu kamid yahay Madaxweene Xassan Sheekh Maxamuud.

waxeeyna arintaas dhalisay in ay lunto rajadii laga lahaa shirka Gobolada dhex ayadoo ay beelöo badan banaanka ka istaageen sidoo kalana Ururka Ahlu-Suna ay ku luntay doorkiisii waxtarka lahaa ee Gobolada Dhexe.