Faah faahin dagaalkii u dhaxeeyey Ciidamada Westland State iyo Ciidanka Abdifatax Afrax ee ka soo duulay Bariga Baladweyne

Faah faahin dagaalkii u dhaxeeyey Ciidamada Westland State iyo Ciidanka Abdifatax Afrax ee ka soo duulay Bariga Baladweyne

xulufo_xusuuqa_hiiraan

Dagaal faraha looga gubtay ayaa labadii maalmood ee lasoo dhaafay ka socday galbeedka Baladweyne.

Ciidamada qaran ku sheega ee ka arrimaya Bariga Baladweyne ayaa ku fidiyey dagaalada iyo xasilooni darada ay ku hayaan gobolka dhowaan galbeedka magaalada Baladweyne oo ay degen yihiin beelo soomaaliyeed oo nabada jecel.

Warar hoose oo aanu ka heleyno degaanada dirirtu ka dhaceyso ayaa sheegaya in beesha Bariga Baladweyne ay ku hubeysay beel qorax san wax ka degta (Beesha Makane) duulaana ay ku qaadeen beesha Jajeele ciidankeeda ka tirsan maamulka Westland State.

Beesha Jajeele oo degen qorax san ayaa la sheegay in dhulka ay iyagu ka degen yihiin qorax sanka ay u diideen in Beesha Xawaadle ay saldhig ciidan oo ay kaga duulaan Deefow ka dhigato, sidaa aawadeed ay Beesha Xawaadle ku hubeysay Beesha Makane oo dagaal ku qaaday beesha Jajeele ee degen dhanka Qorax sanka ee galbeedka Baladweyne.

Dhaawaca iyo dhimashada ina soo gaaraya ayaa ah sidan:

– Beesha Makane 15 geeri iyo 40 dhaawac
– Beesha Xawaadle 8 geeri, iyo mid nolol looga qabtay, iyo 20 dhaawac
– Beesha Jajeele 2 dhimasho, iyo dhaqtarkii ay sida bareerka ah u dileen ciidanka AMISOM iyo wiil ay dhaawaceen.

Ciidamada AMISOM ayaa noqday kuwa u adeega maamulka bariga Baladweyne, AMISOM ma hor istaagi karto markii ay ciidanka bariga Baladweyne ka geysan xasuuq Kabxanleey iyo Deefow, isla mar ahaantaana ay garab ku siin markii ay Beesha Bariga Baladweyne markale colaad iyo duulaan ay ku ahaayeen galbeedka magaalada Baladweyne, AMISOM’na ay halkaa ku dileen dad rayid ah.

Waxaa muuqata in dowlada Hassan Sh. iyo AMISOM ay halkaa u joogaan in ay ilaaliyaan danta beel gaar ah, laguna caburiyo dhamaan beelaha kale ee soomaaliyeed ee ku dhaqan Gobolka Hiiraan.

Wixii warar ah oo ka soo kordha halkaa dib ayaan idiinkala soo socodsiin.

cowslafil.com