Khalaafow”Aniga iyo Cabdi fataax isu Heyb Ayaa nahay Dadka Baladweyne in la iska Horkeeno Ayuu Rabaa”

Maxamed Cusman Khalafow Gudomiyaha D/Baladweyne ee G/Hiiran Wareysi uu siiyay Warqabadka Radio Danan Ee Muqdisho Gaar ahaa Barnaamijka Guuxa Wararka ee soo gala Saacadu marka ay tahay 9:30Habeen Ayaa Waxa uu beeniyay in Xilkii Laga Qaaday iyado Warkaasi ay baahiyeen Warbaahinta qaar ee Muqdisho.

Gudoomiyaha ayaa waxa uu tilmaamay in aanay waxba ka jirin wark ay Warbaahintu faafiyeen kaa oo ah in isaga iyo gudoomiye ku xigeenka dhanka Siyaasada Magaalada Xilka laga xayuubiyay.

“Waxaan idin sheegayaa in aan xilka leyga qaadin,waraaq Maamulka hiiran ka soo baxday wey jirtaa anaga xil nagama qaadi karo waayo anaga iyo isaga isu mar baa nala magacaabay”Ayuu yiri Maxamed Cusman Khalafow Gudomiyaha D/Baladweyne ee G/Hiiran .

Gudoomiyaha ayaa sidoo kale sheegay in aysan jirin wax xil ah oo uu cabdi fataax ka qaadi karo awoodiisa aanay heerkaasi gaarsiisneyn sida uu hadalka u dhigay.

“Aniga iyo cabdi fataax isu heyb ayaa nahay dadka baladweyne in la iska horkeeno ayuu rabaa cabdi fataax ma naqaano waxa uu damacsanyahay”Ayuu yiri Maxamed Cusman Khalafow Gudomiyaha D/Baladweyne ee G/Hiiran .
Si kasbata Muran ayaa haatan soo kal dhex galay Maamulka Gobolka Hiiraan ee dowlada.

cowslafil.com