Xaalada guud ee Kabxanleey iyo Deefoow ayaa degen, ciidanka amaanka degaanadan ayaa iyaga mar walba wada howlahooda lagu sugaya amaanka degaanadan dhibaatooyin fara badan lagu hayey muddo ka badan 6 sanandood, 2’dii sanadood ee ugu danbeeyeyna ay ugu darnaayeen ka dib markii la gubay degmooyinka Kabxanleey iyo Deefoow dadkii halkaa degenaanan laga bara kiciyey.

Howlaha amaanka oo ay isu xilsaareen ciidamada Kabxanleey iyo Deefoow ayaa sidii loogu tala galay ku socda, halkaas oo ay maalmihii ugu danbeeyey ka saareen saldhigyo ciidan oo ay beesha dulmiga ka wada halkaa ka sameysteen bariga Deefoow iyo Kabxanleey ee jirta dhanka Gobolka Galgaduud. xaruntan ciidan oo ay beesha dulmiga wada ka sameysatay halkaa oo ay ula baxeen Xaaji Maxamuud Gacal ayaa aheyd halkii ay howlo nabadgalyada laga sugayo laga fuliyey, loogana saaray ciidanka duulaanka iyo dulmiga halkaa ka soo abaabulo.

Ciidamada amaanka ayaa ka fuliya halkaa howlaha lagu sugayo amaanka degaanada Deefoow, Kabxanleey, Madiina, iyo degaanada ku heeraarsan dhamaantood, waxaana arrimaha dhinac socda howlaha xiga oo leh mudnaanta labaad oo ah in loo sameeyo dadka degaanka dib u dejin.

Maamulka degmooyinka Deefoow iyo Kabxanleey ayaa markale waxaa ay ku wargelinayaan dhamaan hay’adaha samafalka in ay ka howl geli karaan dhamaan degaanada ay ka arrimiyaan, isla markaana la sugaya amaankooda. Waxaa lagu wargelin dhamaan dadka ka soo jeedaa degaanadan in ay dar dar geliyaan howlaha samafalka ee wax loogu qaban dadka iyo degaanada ka xoroobay dulmiga laga soo abaabulo Bariga Baladweyne.

Wararka inaga soo gaaraya dhanka Bariga Baladweyne ayaa sheegaya in beesha duulaanka ku ah Kabxanleey iyo Deefoow ay wadaan dacaayado raqiis ah oo aan ilaa iyo hadda u meelmarin, halka ay ilaa Muqdisho gudi ay u direen iyagoo ku andacoonaya in ay duulaan ku yihiin Dir iyo Daarood oo wata ciidanka liyuu booliska.

Beeshan dulmiga ku ah degaanada Kabxanleey iyo Deefoow ayaa lumisay kalsoonida dhamaan beelaha Soomaaliyeed ee ku dhaqan gobolka Hiiraan, iyo weliba in ay haddana muuqata in ay keli ku noqotay dulmiqa qaawan oo ay u baraareen dhamaan siyaasiyiintooda, nabadoonadooda, iyo shacabkooda intaba.

Dhamaan beelaha Soomaaliyeed ee ku dhaqan Hiiraan ayey ka go’antahay in aysan dhaceyn marnaba in mustaqbalka gobolka hal beel ay ka arrimiso, ka dib markii la arkay natiijada ka soo baxday markii ay beesha Bariga Baladweyne gacanta ku dhigeen hantidii, hubkii qaranka, iyo dhamaan hay’adaha dowliga iyo samafalka gobolka, halka ay beeshan u adeegsatay in awooda gobolka lagu burburiyo, dhibaateeyo, laguna barakiciyo beelo degaan ah, laguna gubo dhul beereed iyo degaano intaba.

Beelaha Gobolka Hiiraan ayaa wada shirar aanan kala go’ laheyn oo ah sidii uu gobolka u heli labaa hogaan u adeega dhamaan shacabka gobolka, shirarkaan ayaa dhinac socda shirka Bariga Baladweyne oo ay wado beesha Bariga Baladweyne oo keli ku ah, cid aamineysana aysan jirin ka dib dhibaatooyinkii faraha badnaa ay u geysteen dad degaan ah oo reer Hiiraan ah.

Xaalada guud ee degaanada Kabxanleey iyo Deefoow ayaa hadda degen, dhaq dhaqaaqa ciidan oo aanan kala go laheyn, laguna sugayo amaanka ayey halkaa ka fuliyaan ciidama nabad sugida ee degaanadan.

Wixii ka soo kordha xaalada Kabxanleey iyo Deefoow halkan kala soco

cowslafil.com