Guul iyo gobanimo usoo hoyatay Beelweynta Surre iyo hambalyo mujahidiinta

Guul iyo gobanimo usoo hoyatay Beelweynta Surre iyo hambalyo ku wajahan mujaahidiinta

surre_ciidan

deefow_ciidan

Waxaa ina soo gaaraya hambalyo iyo dareen sare oo ku wajahan dagaalkii taariiqi’ga ahaa oo ay Beesha Surre ku hanatay degaanadeeda 21.marso.2015.

Ka dib markii ay beesha xawaadle ee dhulboobka iyo isir sifeynta ka wada gobolka Hiiraan ay ka sameysteyn dhufeyso shub iyo shamiindo adag oo ay ugu talagaleen in ay degaanada si xaq daro ah uga difaacaan dadkii u dhashay ayaa waxaa ka dhacay Deefoow shalay salaadii subax ka dib dagaal aanan horeyna loo arag, loona maqal halka ay mujaahidiinta, geesiyada, sooma jeestayaasha ciidanka xaq u dirirka Surre ay ugu dhex duseen dhufeyskii adkaa oo ay Xawaadle halkaa ka sameysteen, ka dibna xabad, gacan, mindiyo/beenad jiho walba kaga timid ciidankii xawaadle oo markii danbe qasab ay ku noqotay inay ka baxaan dhufeyska xoogna looga saaro degaanada Deefow, Kabxanleey, Madiina, ilaa degaanka Bacaad ee u dhaxeeya Bariga Baladweyne iyo Kabxanleey.

Dagaalka shalay dhacay iyo dhufeyska adag ay beesha xawaadle halkaa ay ka qoteen oo ay ugu tala galeen in Surre uusan mar danbe cagta soo dhiqin hoygoodii iyo guryahoodii ayaa waxaa dhacday in saacado gudahooda looga saaro xawaadle halkaa, ka dib markii ay la kulmeen ciidan ku dagaalami niyad sareysa, oo aanan dib u jeesan xitaa haddii ay xabadu go’do.

Masuuliyiin tagay degaanka Deefow iyo Kabxanleey ayaa indhahooda ku soo arkay dhufeysayada iyo waxa ka dhacay halkaa, fajac iyo aamini kari waayey wixii ay indhahooda ku soo arkeen, kana soo dhaqaaqay halkaa iyagoo su’aalo badan oo ay ka mid yihiin sidee macquul ku noqotay in beesha burcada ee bililiqo doonka looga saaray dhufeysada ay halkaa ka qoteen.

Beesha Xawaadle oo ay gacanta u gashay wax alaale wixii maamul, hanti iyo hubka qaranka Gobolka Hiiraan ayaa waxay intaba u adeegsadeen burcadnimo, bililiqo, iyo dhulboob ay ku hayaan beelaha Surre ee ku dhaqan Deefow iyo Kabxanleey.

Warar inaga soo gaaraya furinta hore ee dagaalka ayaa sheegaya in dagaal naf lacaarinimo oo rogaal celis ah ay beesha Xawaadle xalay 21.maarso dib u soo qaadeen ka dib markii laga saaray halkaa subaxnimada sabtida isla 21.maarso.2015. Waxaa ay la kulmeen iska caabin xoogaan ugana carareen halkaa 6 meyd ah.

Wararka ina soo gaaraya ayaa sheegaya in dagaalkii subaxnimada ka dhacay halkaa ay uga carareen beesha Xawaadlee halkaa 18 meyd ah iyo weliba labo sarkaal oo nolol lagu qabtay.

Waxaa kaloo ina soo gaaraya in hub iyo saanad militery oo fara badan looga fara maroojistay xawaadle degaanka Deefow ka dib markii ciidanka Surre ay cagta mariyeen wax allaale wixii difaac adkaa oo ay halkaa ka sameysteen xawaadle.

Beelweynta Surre oo dal iyo dibad joogba leh waxay hanbalyo diiran halkan uga dirayaan mujaahidiinta, sooma jeestayaasha, geesiyada Surre (wiilal iyo gabdhaba) ee ku mintiday inay hantaan degaanadooda, ugana saaraan halkaa burcada, bililiqo doonka beesha Xawaadle.

cowslafil.com