Gobolka Hiiraan oo Xaalad Dagaal iyo hub Urursi uu ka Socdo iyo Deefoow iyo Kabxanleey oo laga dareemaayo Dhaqdhaqaaq Xoogan.

Waraka Naga Soo gaaraya Gobolka Hiiraan ayaa sheegaya in ay ka taagan tahay Xaalad Cabsi laga qabo in ay markale is fara saaraan Kooxihii ku dagaalamay Magaalooyinka Deefoow iyo Kabxanleey iyadoo halkaas laga dareemayo isu hub urursi balaaran,

Ciidamada DFS iyo Kooxdii ay caawinayeen ee la wareegay Gacan ku haynta Deefoow iyo Kabxanleey ayaa laga dareemayaa Baqdin aad u balaaran oo ay ka qabaan in ay dhankooda usoo ruqaansadaan Ciidamada Deegaanka Deefoow iyo Kabxanleey oo ku sugan Meel aad ugu dhow,

Waraka naga soo gaaraya Magaalada Baladweyne ayaa sheegaya in la isla dhex maraayo in ay suura gal tahay in Waqti walba ay Xabadu bilaabato, Beesha Bariga Baladweeyne oo dhalinyaro badan ay kaga dhinteen dagaalada ka socda Kabxanleey iyo Deefoow ayaa u muuqda in ay ku daaleen Dagaalada aan dhamaadka lahayn iyo Gumaca Rasaasta ka daadiyay dhiig badan,

Warar kale oo Xog ogaal ah ayaa sheegaya in Maalin walba ay sii siyaado tirada dhimashada Dagaalkii ugu danbeeyay ee Deefoow iyo Kabxanleey Geeridaas oo ku habsata Ciidamadii kusoo dhaawacmay Dagaalkaas.

Gudoomiyaha Gobolka Hiiraan ayaa hore u qiray in Beelaha ku dagaalamaaya Deefoow iyo Kabxanleey ay ka awood badan yihiin Dawlada Federaalka Soomaaliya isla markaana loo baahan yahay in ay quwado kale soo fara galiyaan iyadoo ereyadaas dadka Siyaasada indha indheeya ay ku sheegeen Wal wal iyo walaac soo wajahay Gudoomiyaha Gobolka Hiiraan.

cowslafil.com