Wararkii ugu danbeeyey ee dagaaladii ka dhacay Kabxanleey, Deefoow, Dusmo, iyo Asharaaf

Wararka inaga soo gaaraya degmooyinka Deefoow iyo Kabxanleey ayaa sheegaya in maamulka degaanadan ay maalmahan ka wadaan halkaa sugida amaanka iyo xasiloonada goobahii duulaanka gardarada ay ku soo qaadeen beesha ka soo duusha Bariga Baladweyne.

Waxaa ina soo gaaraya in ciidamada ilaalada degaanadan ay maalin walba ku arkaan meydad hor leh oo daadsan duurka degaanadii lagu dagaalamay, meydadkaas oo ay halkaa uga carareen ciidankii ka soo duulay Bariga Baladweyne.

Maamulka degmooyinka Kabxanleey iyo Deefoow ayaa amar ku bixiyey in la dhowro xuquuqda meydadka, sawirna laga qaadi karin, lana asturo meydadkaas sida ugu dhaqsaha badan oo ay qabto shareecada Islaamka.

Waxaa kaloo ina soo gaaraya in caalamka iyo ciidamada AMISOM ay arkeen markan gardarada beesha Bariga Baladweyne, ka dib markii ay beesha Bariga Baladweyne dagaal ku qaadeen Deefoow subaxnimada bishan juun seddexdeedii, iyadoo balan nabadeed oo ay xaadir ka ahaayeen AMISOM ay halhaa taalay, laguna balansanaa in la kulmo 10’ka subaxnimo, halka ay beesha Bariga Baladweyne dagaal gardaro ah ku qaadeen Deefoow 5’tii xilliga salaada subax. AMISOM ayaa xaadir ka aheyd gogashii tan ka horeysay oo ay fadhiyeen hogaanka dhaqanka beelaha dirirta u dhaxeysa, halkaas oo ay heshiis nabadeed ku gaareen, maalin ka dib hishiiskaa ay dagaal soo qaadeen beesha Bariga Baladweyne, dabna qabadsiiyeen degaanka Deefoow markale.

Waxaa ina soo gaaraya warar sheegaya in isbitaalka guud ee magaalada Baladweyne iyo garoonka diyaaradaha laga mamnuucay in loo isticmaalo dagaalada sokeeye ee halkaa ka socda. Arrintan haddii ay jirta ayaa ah talaabo wanaagsan oo ay qaadeen maamulka AMISOM, laguna mamnuucayo in beel gaar ah ay u adeegsato hey’adaha dowliga dadka ka dhaxeeya dagaal sokeeye iyo colaad laga huriyo Gobolka.

cowslafil.com