Shirka beelaha soomaaliyeed ee gobolka Hiiraan ayaa ka socda Degmada Deefow ilaa muddo isbuuc ah hadda. Shirka oo ay abaabulkiisa iyo dhaqangelintiisa ay u dhan yihiin beelaha gobolka intooda badan, oo ayna marti geliyeen maamulka degmooyinka Deefow iyo Kabxanleey, ayaa waxaa halkaa ka socday wadatashi badan ee dhanka arrimaha bulshada, horumarka, siyaasada, samafalka iyo badbaadinta mustaqbalka Gobolka iyo shacabka intaba.

Beelaha soomaaliyeed ee ku dhaqan Gobolka Hiiraan ayaa ku soo qulqulayo shirkan, halka ugu danbeyntii la sugayo beesha Jajeelo dhawaan, ka dibna la howl geli doono qorshaha iyo qodobada shirka oo ah sidii loo dhisi lahaa maamul sal iyo saf balaar ah, iyo tiirarka aasaaska i noqon maslaxada iyo mustaqbalka gobolka.

Shirkaan oo lagu casumay dhamaan beelaha soomaaliyeed ee nabada jecel, daneynaya in laga saaro gobolka colaada iyo fowdada, loona jiheeyo xasilooni waarta, horumar, lagana dhiso gobolka qeybaha kala duwan ee aasaaska u ah horumarka iyo jiritaanka shacabka reer Hiiraan.

Nidaamka iyo hogaanka la hiigsan inuu ka soo baxo shirkan ayaa ah mid ay qeyb ka yihiin dhamaan beelaha soomaaliyeed ee gobolka, laguna hishiiyo waxyaabaha danta guud oo ay masuuliyad ka saaran tahay dhamaan in la dhowra, si loo ilaaliyo danta iyo xuquuqda dhamaan shacabka, shaqsiga, dalaga, duunyada, iyo mustaqbalka dhow iyo ka fog ee gobolka intaba.

Maamulka shirkan ayaa waxa ay siiyeen mudnaanta hore in marka hore wadatashi dheer oo ay u dhan yihiin beelaha gobolka waqti la siiyo, leyskuna afgarta hadafyada iyo qodobada muhiimka u ah ayaaha gobolka, markaa ka dibna la gudo galo qorsheynta iyo dhaqan gelinta qodobada ay isku af-gartaan dhamaan dadka matalaya qeybaha kala duwan ee bulshada reer Hiiraan.

Waxaan dhawaan idiin soo gudbin doonaa video laga soo duubay hanaanka iyo qaabka uu ku socda shirka Insha Allaah.

cowslafil.com